De Familie Lacroix
De Vastelaovesgroep Lacroix is opgerig in 1989. Op ein vief entwintig jaorige broelof trooje de twei jongst neefkes op es kenaries. 'T waor ein parodie op 't toen bekende leedje van Andre van duin twiedel twiedel ich bin eine kanariepiet. Nao het optreije vong jekerein de pekskes wel erg sjiek en laat op d'n avond höbbe veer toen besjloote om met dees pekskes mit te laope in vastelaovends maondig in de Pottentaote optoch. Ein paar daag later waor de eiste vergadering bie d'n Opa Lacroix,

op dees vergadering is toen besjloote om pekskes te maken van sjoem mit eine kleine oplegger. Mehr de vastelaovend wor kort daag zodat het maken van de kanariepekskes onmeugelek leek.  Eine kwôm toen mit het idee om te gaon es Aels flesje, want de Els febrek zoa verdwiene oet het Baekse en nao het Hollands verplaats zou weire.De waeke er nao zeen veer in de garage van Opa Lacroix gesjtart mit het maeke van de flesje Aels. De flesje kwaome mit hulp van piele buize, get Sjoem en get likken verf tot sjtand.

De oplegger wort in Geverik gemaak de waege besjton oet ein graote flesj Els who oet egte Aels kwam loepe Op vastelaovesmaondig waor het zowiet veer leepe mit in de Baeker vastelaovendsoptoch, onger de optoch kreege veer sjaon reacties van de luuj langs de  kant. Nao d'noptoch kwaome veer sjnel tot de conclusie dat veer het jaor erop weer met zauwe doon

Who veer begoosj zeen mit ein vijverpomp, zwo is in de loep van de jaore sjteeds mher gaon bewege. De waegens drejde jaore mit eine computer en een deil lochciliniders. Veer maeke ös waeges nao ein thema wat meistal get te make haet mit get van Baek of ein thema van Euro Disney in Paries.

 Ös waeges loepe neet allein mit in het Baekse. Het jaor erop wurd de waege verhuurd en het jaor erop verkoch.Dit motte veer doan om weer geld te höbbe om eine nieue waege te boewe.

In 2011 vierde veer os 2x11 jaorig besjtaon get who veer és groep greutsj op zeen!
Veer kreege in dit jaor van de Baeker Pottentaote ein waarderingsteike veur osse biedrage aan de Baeker Vastelaovend